ბეტონი სამშენებლო პროცესის უმთავრესი ნაწილია, რომელზეც დამოკიდებულია მთლიანი ობიექტის ხარისხი. თუმცა, ამ გამძლე მასალაც აქვს თავისი სისუსტე – წყალი. მასში ტენიანობის შეღწევამ შესაძლოა პრობლემების მთელი კასკადი გამოიწვიოს – ბზარების გაჩენიდან არმატურის კოროზიამდე და მის სტრუქტურულ დაშლამდე.
როგორ დავიცვათ ბეტონი წყლის შეღწევისა და გაჟონვისგან?
ბეტონი მიკროსკოპულ დონეზე რომ წარმოიდგინოთ, თავისი პატარა ფორებით ძალიან ჰგავს ღრუბელს. ტენიანობის პირობებში ფორებში მარტივად აღწევს წყალი და იჟღინთება. ამას თუ თან ახლავს ტემპერატურის ცვალებადობა, ჩნდება ბზარები და ბეტონი კარგავს გამძლეობას. ჰიდროსაიზოლაციო დანამატი სწორედ ისაა, რაც თავიდან აგაცილებთ ამგვარ გართულებებს.
ბეტონის მზადების პროცესში, ასევე უკვე მზა ბეტონში (სამშენებლო ობიექტზე მისულ მიქსერში) მინარევის სახით შესაბამისი დოზით გამოყენებული ჰიდროსაიზოლაციო დანამატი მთლიანად ცვლის სტრუქტურას. აქტიური კომპონენტები წარმოქმნიან კრისტალებს, რომლებიც ამოავსებენ ფორებს და ქმნიან ბარიერს, რაც ხელს უშლის წყლის შეღწევას და ტენიანობის წარმოქმნას. ეს უზრუნველყოფს ბეტონის სიმშრალეს, სიმტკიცის და მდგრადობის მატებას და შესაბამისად, გამძლეობას მრავალი წლის განმავლობაში.
შეთავაზებული მასალა: Kalmatron-D
მიწისქვეშა ნაგებობების ჰიდროიზოლაციის მნიშვნელობა
ჰიდროიზოლაციის საჭიროება და აუცილებლობა ძლიერდება, როდესაც საქმე ეხება მიწისქვეშა ნაგებობებს, როგორიცაა ავტოსადგომები, ლიფტების შახტები და საძირკვლები. ასეთ ადგილებს საშიშროებას უქმნის გრუნტის წყლები, წვიმა, დამდნარი თოვლი და კონდენსატიც კი. სათანადო ჰიდროიზოლაციის გარეშე მაღალმა ტენიანობამ და წყლის შედინებამ შესაძლოა გამოიწვიოს მრავალი პრობლემა:
კონსტრუქციული დაზიანება – წყალს შეუძლია დროთა განმავლობაში დაასუსტოს ბეტონი, რაც გამოიწვევს ბზარების გაჩენას, დაშლას და ნგრევასაც კი.
არმატურის კოროზია – არმატურა ბეტონის სიმტკიცისა და სტაბილურობისთვის აუცილებელი კონსტრუქციაა. მაღალი ტენიანობით გამოწვეული კოროზია მის სტრუქტურულ მდგრადობას ასუსტებს.
ობი და სოკო – ნესტი და ტენიანი გარემო იდეალური პირობაა ობისა და სოკოს გასამრავლებლად. გარდა იმისა, რომ ზედაპირები ვიზუალურად ზიანდება, ეს იწვევს ჯანმრთელობის პრობლემებს.
გაუთვალისწინებელი ხარჯები – წყლის გაჟონვით გამოწვეული დაზიანებების შეკეთება და აღდგენა დამატებით ხარჯებთან არის დაკავშირებული. ბეტონში ჰიდროსაიზოლაციო დანამატის თავიდანვე შერევით კი შეგიძლიათ დაზოგოთ ფინანსები გრძელვადიან პესპექტივაში.
რა მოხდება, თუკი ბეტონის სამუშაოების დროს ჰიდროიზოლაციის პროცესი გამოტოვებული გაქვთ?
რა თქმა უნდა, პრევენციული ღონისძიებები პრობლემების თავიდან აცილების საუკეთესო საშუალებაა. თუმცა, გამოსავალი ყოველთვის არსებობს. თუ ბეტონის სამუშაოების დროს ჰიდროსაიზოლაციო დანამატი არ გამოგიყენებიათ და ეს პროცესი გამოტოვებული გაქვთ, ჩვენ გთავაზობთ წასასმელ და ამოსავსებ ჰიდროსაიზოლაციო მასალებს, რომლებიც ბეტონის და ნალესი ზედაპირების შესაბამისად დამუშავების შემთხვევაში მთლიანად აგაცილებთ წყლის შედინებასა და გაჟონვასთან დაკავშირებულ პრობლემებს.
შეთავაზებული მასალები: Kalmatron-E, Kalmatron-N